Nyuma y'iminsi 2, intumwa z'umuryango w'abibumbye(ONU), zigeze mu gihugu cy'uburundi, mu butumwa bw'uyu muryango ku kibazo cy'u Burundi, zasohoye raporo yazo.

 

By Umutoni Solange | Views : 7245 | Kuya 09-21-2016 14:20



Iyi raporo y'izi ntumwa ivuga ko mu gihugu cy'u Burundi habaye ibikorwa by'ubwicanyi ndengakamere hakabaho guhonyora cyane uburenganzira bw'ikiremwamuntu, ubwicanyi bwo kuvutsa ubuzima bwakozwe kuva muri mata 2015 kugera mu mpera za kamena 2016.

Muri ibi bikorwa harimo : Gushyira mu bikorwa ibintu bidafite aho bihuriye n'amategeko, kwirukana abantu ku ngufu, iyicarubozo n'ibindi bikorwa bya kinyamaswa.

Iyi raporo igizwe na paji 33 yashyizwe ahagaragara, ikubiyemo ubwicanyi bwose bwakorewe mu gihugu cy'u Burundi, cyane cyane ibikorwa by'ubwicanyi bwakozwe na leta y'igihugu hamwe n'abayishyigikiye.

Izi mpuguke z'umuryango w'abibumbye zatangaje ko zifite ibimenyetso byinshi kandi bifatika bigaragaza uko ibikorwa by'ubwicanyi mu Burundi byagenze.


Amazina
E-mail
Igitekerezo