Kuri uyu wa Kane tariki ya 17 Nzeri 2015, Perezida Michel Kafando wa Burkina Faso yahiritswe ku butegetsi n’ingabo za RSP ziyobowe na Général Gilbert Diendéré.


 

By Muhire Norbert | Views : 16191 | Kuya 09-17-2015 14:48



Amakuru agera ku kinyamakuru Umurashi aturutse kuri Radiyo Mpuzamahanga y’Abafaransa arahamya ko mu gihugu cya Burkina Faso hamaze kuba ihirikwa ku butegetsi aho Perezida Michel Kafando usanzwe uyobora iki gihugu amaze gukurwa ku butegetsi n’ingabo za RSP zikuriwe na Général Gilbert Diendéré.


Kuri uyu wa kane izi ngabo zahiritse ubutegetsi zimaze gutangaza ko hagiye gushyirwaho ubuyobozi bw’agateganyo aho zigiye gutegura amatora adasanzwe.

Kuva ejo kuwa gatatu,abarinda umukuru w’igihugu bari bafashe ndetse bafunga bamwe mu bakuriye Guverinoma barimo na Perezida Michel Kafando na Minisitiri w’intebe we Isaac Zida.

Général Gilbert Diendéré watangaje kuri uyu wa kane ko ariwe ukuriye akanama k’igihugu gashinzwe kugarura Demokarasi muri iki gihugu(CND),yahoze ariwe ukuriye ingabo wihariye akaba n’inshuti magara ya Perezida Blaise Compaoré kuva mu myaka 30.


Perezida Michel Kafando ahiritswe ku butegetsi kuri uyu wa kane tariki ya 17 Nzeri 2015,mugihe yatangiye kuyobora inzibacyuho muri Burkina Fasso kuva tariki ya 21 Ugushyingo umwaka ushize wa 2014.




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd