Igipolisi cy'u Burundi cyatangaje ko mu ijoro rishyira ku cyumweru tariki ya 22 ugushyingo 2015 abantu batatu baguye mu gitero cy'abantu bitwaje ibirwanisho muri komine Ngagara mu mujyi wa Bujumbura.

 

By Muhire Norbert | Views : 9702 | Kuya 11-23-2015 08:10




Amakuru yatangajwe n’uwungirije umuvugizi w'igipolisi cy'u Burundi, Moise Nkurikiye, aravuga ko hari n'undi muntu wiciwe ahitwa mu Ruziba muri komine ya Kanyosha naho mu mujyi wa Bujumbura.


Aha mu Ngagara, uwungirije umuvugizi w'igipolisi cy’u Burundi Moise yavuze ko ryari itsinda ry’abantu 7 bari bitwaje ibirwanisho bateye ikigo cya polisi,abapolisi nabo bagahita babarasa birwanaho.

Aba bafashwe bashinjwa gutera igipolisi bo barabihakana , bakavuga ko bo bari itsinda ry’abasore ryari ryibereye hamwe, polisi ikabahohotera ibashinja kuyitera.

Amakuru umurashi.rw ukesha radiyo mpuzamahanga y’Abongereza aravuga ko igipolisi cy’uburundi cyamenyesheje kandi ko abantu 22 bafashwe mu Ngagara, n'abandi 7 bo mu Cibitoke,n’imbunda 2 hamwe n'amasasu menshi.

Mu gitondo cyo kuri icyi cyumweru, hatewe ibisasu ahari antenne ya RTNB(Radiyo na Televiziyo by’igihugu cy’Uburundi).

hakaba hataramenyekana abateye ibyo bisasu .



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd