Umuryango uharanira uburenganzira bw'ikiremwamuntu, Human Rights Watch (HRW), kuri uyu wa kane tariki ya 07 Nyakanga 2016, washyize ahagaragara raporo igaragaza iyicarubozo mu gihugu cy'uburundi, iyi raporo abategetsi b'igihugu cy'uburundi bakaba batemeranywa nayo.

 

By Umutoni Solange | Views : 7581 | Kuya 07-07-2016 15:08



Muri raporo yashyizwe ahagaragara na WRW kuri uyu wa kane, uyu muryango utegamiye kuri leta, washinje urwego rw'ubutasi mu gihugu cy'uburundi, Service national de renseignement (SNR), gufata nabi no gukorera iyicarubozo amajana n'amajana y'abatavuga rumwe n'ubutegetsi bwa Perezida Pierre Nkurunziza.

Amakuru umurashi ukesha Jeune Afrique aravuga ko inzego za Polisi y'igihugu hamwe n'urubyiruko rw'Imbonerakure, rushyigikiwe n'ishyaka riri k'ubutegetsi, bakomeje ibikorwa by'ubwicanyi.

Hagati ya mata 2015 na mata 2016, umuryango w'abibumbye (ONU) wabaruye abantu bagera kuri 651 bakorewe iyicarubozo mu gihugu cy'uburundi.

Umuryango WRW ushingiye ku buhamya bwa benshi mu bakorewe iyicarubozo mu Burundi, uvuga ko mu byo bakoresha mu iyicarubozo harimo, kubatwikisha umushongi wa palasitike baba batwitse bakawutonyangiriza ku myanya myibarukiro,kubafatisha amashanyarazi,kubamena amagufa y'amaguru n'amaboko bakoresheje ibyuma,kubakuramo amenyo rimwe rimwe ku munsi bakoresheje icyuma,n'ibindi bikorwa by'ubwicanyi bw'indengakamere.

Minisitiri w'umutekano mu Burundi Alain Guillaume Bunyoni, umwizerwa cyane wa Perezida Pierre Nkurunziza yahakanye amakuru ajyanye n'ibi bikorwa by'iyicarubozo bashinjwa n'umuryango uharanira uburenganzira bw'ikiremwamuntu uvuga ko aya ari amakuru adakwiye gushidikanywaho kuko babifitiye gihamya.

Daniel Bekele, umuyobozi wa Division y'Afurika y'umuryango WRW yasabye Perezida Nkurunziza gufata umwanzuro wanyuma kuri ibi bikorwa by'iyicarubozo bikomeje gukorerwa inzirakarengane.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd