Abanyeshuri bahagarariye abandi muri kaminuza y'u Burundi bagera kuri 4 bafashwe na polisi kuwa gatatu tariki ya 29, undi umwe afatwa kuwa kabiri tariki ya 28, nyuma yo kugaragaza ko batishimiye icyemezo cya perezida w'igihugu cyabo Pièrre  Nkurunziza cyo gukuraho amafaranga ya buruse, bose bakaba baburiwe irengero.

 

By Umutoni Solange | Views : 4410 | Kuya 03-30-2017 12:57



Elysé Dushime, umunyeshuri wigaga mu mwaka wa 3 mu ishami ry'ubukungu i Bujumbura, muri kaminuza y'u Burundi, kuva kuwa kabiri tariki ya 28 werurwe 2017, yaburiwe irengero. 

Amakuru aturuka mu gihugu cy'u Burundi, aravuga ko, Elysé Dushime, yafatiwe mu muhanda uturuka kuri kaminuza hagati yo mu gace ka Bwiza na Rohero, ubwo yerekezaga muri banki ya BBCI akoreramo imenyerezamwuga(stage), maze ashyirwa mu modoka ya polisi. 

Bagenzi be bagera kuri 4, amazina yabo atarashyirwa ahagaragara, bakaba  bahagarariye abanyeshuri  muri kaminuza y'u Burundi, ku munsi w'ejo kuwa gatatu tariki ya 29 werurwe 2017, bafashwe na polisi bajyanwa ahantu hatazwi. 

Aba banyeshuri , kuya 23 werurwe 2017, bari bagaragaje ko batishimiye icyemezo cyafashwe na perezida wabo w'u Burundi Pièrre Nkurunziza cyo guhagarika amafaranga ya buruse. 


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd