Perezida wa Repubulika ya Congo Denis Sassou Nguesso,kuri uyu wa Gatanu tariki ya 19 Gashyantare 2016,mu murwa mukuru i Brazzaville yahamije ko azongera kwiyamamaza ku mwanya w'umukuru w'igihugu mu matora azaba kuya 20 Werurwe ukwezi gutaha.

 

By Muhire Norbert | Views : 11277 | Kuya 02-20-2016 08:35



Ubwo yabazwaga ikibazo n'uwari mu nama hamwe n'urubyiruko mu murwa mukuru wa Congo i Brazzaville,Perezida Denis Sassou Nguesso yagize ati:"Ndi umukandida".

Kwemererwa kuzongera kuyobora Congo Brazzaville kwa Perezida Sassou Nguesso kwemejwe nyuma yaho habaye ivugururwa ry'itegekonshinga ry'iki gihugu rimwemerera amahirwe yo kuba yayobora manda ya 3.

Ingingo 2 nizo zavuguruwe muri Referandumu y'itegekonshinga rya Congo Brazzaville harimo ijyanye n'imyaka hamwe n'iy'umubare wa manda.

Denis Sassou Nguesso umugabo w'umusirikare akaba n'umunyapolitiki,yavutse tariki ya 23 Ugushyingo 1943,ku myaka 73 y'amavuko akaba ashaka kongera kuyobora Congo Brazaville.

yayoboye iki gihugu kuva mu mwaka w'1979 kugera mu 1992,avaho aza kongera kugaruka ku butegetsi mu 1997 ahiritse ku butegetsi perezida wari waratowe Pascal Lissouba.

Sassou Nguesso ku myaka 73 arashaka kongera kuyobora manda ya 3 atowe,yatowe bwa mbere tariki ya 10 Werurwe 2002,yongera gutorwa tariki ya 12 Nyakanga 2009.




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd