Kuri uyu wa Gatatu taliki  14 Ukwakira,2015 Perezida wa Leta  Zunze ubumwe za Amerika ,Barack Obama yatangarije Kongere ya Amerika  ko igihugu  cye cyohereje abasirikare 300 muri Cameroun kurasa Boko Haram.

 

By Habineza Gabby | Views : 29736 | Kuya 10-14-2015 18:24



Perezida Barack Obama akaba  yabwiye Kongere ya Amerika ko aba basirikare  300 ba Amerika  boherejwe muri Cameroun  ndetse aya makuru akaba yemejwe na Perezidansi y’iki gihugu(White House) ngo bikaba ari mu rwego rwo kurwanya umutwe w’Iterabwoba wa Boko Haram.

Jeune Afrique  itangaza ko  bamwe muri aba basirikare barangije kugera muri Cameroun bakaba bazakora mu bikorwa by’ubutasi  ndetse no kurinda ikirere bitwaje intwaro zishoboka.

Zimwe mu ngabo za Amerika

Ibi Leta Zunze ubumwe za Amerika zibitangaje nyuma y’uko n'Ubufaransa  bugiranye amasezerano n’igihugu cya Nigeria y’ubufatanye  buhoraho mu bya gisirikare  aho Abaperezida b’ibihugu byombi bayashyizeho umukono byose bigamije guhasha ndetse no kurandura umutwe w'Iterabwoba wa Boko Haram ukomeje kubica bigacika muri Nigeria, Tchad ndetse na Cameroun.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd