Ibiro by'umukuru w'igihugu muri leta zunze ubumwe z'Amerika, byemeje kuri uyu wa kabiri tariki ya 20 Nzeli 2016, ko igihugu cy'uburusiya gifite uruhare mu gitero cyagabwe muri Siriya kigahitana abantu bagera kuri 20 kuwa mbere tariki ya 19 Nzeri 2016.

 

By Umutoni Solange | Views : 9009 | Kuya 09-21-2016 09:04



Ben Rhodes, umujyanama wa Perezida wa leta zunze ubumwe z'Amerika Barack Obama, yavuze ko abarusiya cyangwa ubutegetsi bwa Siriya aribo ntandaro y'icyi gitero.

Ben Rhodes, yagize ati :" Icyi gitero cy'indege ni igikorwa cyakozwe n'abarusiya, ni igikorwa kibi kidasanzwe gikwiye ibihano ku bagikoze".

Ben Rhodes, yakomeje avuga ko ubwo iki gitero cyagabwaga indege 2 z'indwanyi z'abarusiya SU-24 zari aho iki gikorwa cyabereye.

Icyi gitero cyahitanye abantu bagera kuri 20 mu gace kegereye Alep , leta y'uburusiya n'iya Siriya bahakanye kukigiramo uruhare.

                               Agace kagabweho igitero cyahitanye abagera kuri 20


Amazina
E-mail
Igitekerezo