Mu gihe habura amasaha make ngo umwaka wa 2015 urangire twinjire mu mwaka wa 2016,ikinyamakuru Umurashi cyashyize ahagaragara amakipe 5 asoje umwaka wa 2015 neza ariyo Arsenal,FC Barcelone,Bayern Munich,Paris Saint Germain na Inter.

 

By Muhire Norbert | Views : 12684 | Kuya 12-31-2015 17:08



Aya niyo makipe 5 asoje umwaka wa 2015,ikiciro cya mbere, ayoboye urutonde rwa shampiyona mu bihugu bitanu ku mugabane w’uburayi bifite ruhago iri imbere y’ibindi.

Ibi bihugu ni Ubwongereza,Espagne,Ubudage,Ubufaransa n’Ubutaliyani.

1.Arsenal :

Ikipe ya Arsenal niyo isoje umwaka wa 2015 muri sezo (saison) ya mbere iyoboye urutonde rwa shampiyona y’icyiciro cya mbere mu mupira w’amaguru mu gihugu cy’Ubwongereza n’amanota 39,ikipe ya Chelsea ifite igikombe cy’umwaka ushize ikaba isoje sezo ya mbere iri kumwanya wa 14 n’amanota 20,ibihe bitayoroheye kuko yaje no gusezerera umutoza wayo José Mourinho amasezerano atarangiye.

2.FC Barcelone :

Muri Espagne ,ikipe ya Barcelona niyo isoje umwaka wa 2015 iyoboye urutonde rw’agateganyo rwa shampiyona muri iki gihugu n’amanota 38 inganya na Atlético Madrid ariko mu mukino byakinnye Barcelona ikaba yarayitsinze ibitego 2-1.

3. Bayern :

Ikipe ya Bayern niyo isoje umwaka wa 2015 muri sezo (saison) ya mbere iyoboye urutonde rwa shampiyona y’icyiciro cya mbere mu mupira w’amaguru mu gihugu cy’Ubudage n’amanota 46,ikaba yaranikiye iyikurikiye Borussia Dortmund  ifite amanota 38.

4.PSG :

Mu gihugu cy’Ubufaransa,ikipe ya Paris Saint Germain niyo isoje umwaka wa 2015 iyoboye urutonde rw’agateganyo rwa shampiyona muri iki gihugu cy’Ubufaransa n’amanota 51,ikaba yaranikiye bigaragara iyikurikiye Monaco kuko yo ifite 32.

5.Inter :

Mu butaliyani Inter niyo isoje umwaka wa 2015,iyoboye urutonde rw’agateganyo muri shampiyona y’igihugu mu mupira w’amaguru icyiciro cya mbere n’amanota 36 ikaba ikurikirwa na Fiorentina ifite amanota 35.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd