Mu gihe kuri uyu wa gatandatu hateganyijwe umukino wa shampiyona uzahuza ikipe ya Rayon sport na APR FC, mu myitozo yo kuri uyu wa gatatu tariki ya 18 mutarama 2017, Sibomana Abouba na Musa Camara, nibo ba mbere bamaze kwemezwa n'umutoza Masudi Juma ko bazabanza muri 11.

 

By Habumugisha Théoneste | Views : 12159 | Kuya 01-18-2017 10:28



Nyuma y'imyitozo yo kuri uyu wa gatatu tariki ya 18 Mutarama 2017 irangiye ahagana mu ma sa sita, umutoza Masudi Juma ahise yemeza ko bidasubirwaho Sibomana Abouba na Musa Camara aribo bakinnyi bambere ahisemo bazabanza muri 11 mu ikipe izamufasha guhangana na mukeba APR FC kuwa gatandatu tariki ya 21 Mutarama 2017, abandi baziyongera kuri aba, akazagenda abatoranya mu myitozo iri imbere, aho yanasabye abakunzi ba rayon sport gukomeza kwitabira imyitozo mu rwego rwo gushyigikira ikipe yabo.

          Abakinnyi ba rayon sport bitabiriye imyitozo kuri stade Mumena

  Morali yari yose ku myitozo buri umwe ashaka kwibona mu ikipe izahangana na APR FC

                           Sibomana Abouba, uwa 1 iburyo hamwe na bagenzi be

                     Abakinnyi ba rayon sport mu myitozo yo kurira ahaterera

 Muhire Keven nyuma y'imvune yagarutse mu kibuga ameze neza(inyuma y'umuzamu Bakame)

Abakinnyi barimo na Nahimana Shassir umaze gutsinda ibitego byinshi muri shampiyona

                  Abafana bari benshi ku myitozo, basabwe kuguma kuyitabira

Transfert ya Sibomana Abouba imwemerera ko atakiri umukinnyi wa Gor Mahia FC.

Ku mugoroba wo kuri uyu wa gatatu tariki ya 18, ikipe ya rayon sport irerekeza mu mwiherero Rugende mu murenge wa Rusororo akarere ka Gasabo, ku munsi w'ejo kuwa kane tariki ya 19 akaba ari naho izakorera imyitozo kuva isa cyenda n'igice z'umugoroba(15h30), indi myitozo ikazahabera kuwa gatanu tariki ya 20 mu masaha ya mugitondo.

Umukino wa APR FC na Rayon sport uzabera kuri Stade Amahoro kuwa gatandatu tariki ya 21 Mutarama 2017 kuva isa 15h30, akaba ari umukino wa shampiyona y'u Rwanda mu mupira w'amaguru ikiciro cya mbere.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd