Ishami ry'umuryango mpuzamahanga ryita ku mpunzi , HCR ryatangaje ko abantu bagera ku 100 baguye mu bwato bwarohamye kuwa gatatu tariki ya 25 Gicurasi,mu gihe abandi bagera kuri 550 barohamye bavuye muri Libiya kuwa kane tariki ya 26 Gicurasi 2016.

Nubwo ubwato bwa gatatu mu bwarohamye,nta mibare igaragaza abari baburimo, abagera ku 135 babashije kuburokorwamo bakiri bazima, imirambo igera kuri 45 irarohorwa, ariko abatari bake ntibashoboye kumenya irengero ryabo.

Igisirikare cy'ubutaliyani kirinda inkengero z'inyanja ya Mediterane cyatangaje ko muri rusange, abimukira barenga 1900 aribo  barokowe mu bwato butandukanye mu bice 16 bitandukanye mu nyanja ya mediterane.

Abarokotse bajyanwe mu bice bya Taranto na Pozallo byo mu gihugu cy'ubutaliyani, aho hagikusanywa ibijyanye n'amakuru yabo.