Nyuma y'uko Perezida w'u Burundi Pierre Nkurunziza atangarije ko yihangirije bwanyuma abarwanyi bitwaje intwaro mu gihugu cy'u Burundi,abatavuga rumwe n'ubutegetsi bwe, bamweruriye ko ari cyo gihe cyo kwinjira mu ntambara.

 

By Umutoni Solange | Views : 9618 | Kuya 06-03-2016 08:19



Amakuru dukesha Radio mpuzamahanga y'Abafaransa,aravuga ko Abatavuga rumwe n'ubutegetsi bwa Perezida Pierre Nkurunziza mu gihugu cy'u Burundi batangaje ko binjiye mu ntambara.

Ibi bibaye nyuma y'uko Perezida Nkurunziza,kuwa kabiri tariki ya 31 Gicurasi 2016,yatangaje ko yihanangirije bwanyuma abarwanyi bitwaje intwaro mu gihugu cy'u Burundi.

Ubwo yanyuraga ahitwa Mugamba,mu birometero bigera kuri 90,mu majyepfo y'umurwa mukuru Bujumbura, Perezida Nkurunziza,yahaye igihe kitarenze iminsi 15 abarwanyi bitwaje intwaro kuba bamaze kuzishyira hasi no kuzisubiza.

Agace ka Mugamba ni imwe muri komini yagaragayemo ubwicanyi cyane mu mvururu zimaze igihe mu Burundi,ni ahantu bigoranye gupfa kuhagera kuko ari agace k'imisozi kanaberanye n'imirwano.

Nubwo nta mutwe numwe wari witangaza,leta y'u Burundi ikaguma kuvuga ko ari imitwe y'abajura bitwaje intwaro cyangwa abandi bagizi ba nabi, imitwe myinshi y'abarwanyi iri muri kano gace,nk'umutwe w'aba Forebu na mouvement Red Tabara.

Umuvugizi wa Cnared Jérémie Minani,utavuga rumwe n'ubutegetsi akaba ari mu buhungiro,yavuze ko binjiye mu ntambara,aho yanakomeje agira ati:"nibyo koko habaye ubwicanyi mu mezi ashize,turabizi neza ko ibyo bikorwa by'ubwicanyi biri mu maboko y'ubutegetsi,ubutegetsi bugerageza kugereka ibibi bikorwa ku batavuga rumwe nabwo,bakomeje kugenda biyicira abasirikare bo ku rwego rwo hejuru".


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd