Mu majyaruguru ya Kivu,Urukiko rwa Gisirikare muri Butembo rwashinjije abasirikare 12 rubakatira igifungo kiri hagati y’imyaka 5 na 20 rubashinja gufata ku ngufu n’ubwicanyi.


 

By Muhire Norbert | Views : 16947 | Kuya 09-13-2015 22:14




Kuri uyu wa gatandatu tariki ya 12 Nzeri 2015 Kasindi-Lubiriya, mu birometero 75 uvuye mu majyaruguru y’iburasirazuba bw’umujyi wa Beni muri Kivu y’amajyaruguru nibwo uru rukiko rwagaragaje ubutabera,abasirikare benshi bumvaga batakorwaho baratungurwa.

Bose hamwe hagombaga gukatirwa abasirikare 18,harimo 15 ba FARDC n’abapolisi 3, bose hamwe baregwa ibyaha byo gufata ku ngufu n’ubwicanyi.

Igihano gikomeye kurusha ibindi mu byatanzwe ni ikingana n’igifungo cy’imyaka 20 cyahawe 1er sergent Loto Yangwanga.

Uyu musirikare w’igisirikare cya FARDC yahamwe no gufata ku ngufu abana 3 mu mujyi wa Beni imbere y’ubutabera bwa Gisirikare n’abaturage bari baje gukurikira urubanza.

Abandi basirikare n’abapolisi nabo baregwaga gufata ku ngufu no kwica bo bakatiwe igifungo kiri hagati y’imyaka 5 na 15,no kwishyura amande ku miryango yakorewe ubu bugizi bwa nabi.

Raporo y’ishami ry’umuryango w’abibumbye wita ku bana (UNICEF ) yatangajwe kuwa kane tariki ya 10 Nzeri 2015 I New York muri Leta Zunze Ubumwe za Amerika,yavuze ko umubare w’abana bapfa batarageza ku myaka 5 muri Repubulika iharanira Demokarasi ya Congo wageze kuri 30% hagati ya 2007 na 2014.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd