Polisi y’u Rwanda yatangaje ko abapolisi bayo babiri bari mu butumwa bw’Umuryango w’Abibumbye bwo kugarura amahoro muri Haiti, MINUSTAH, bitabye Imana barashwe n’abantu bataramenyekana.

 

By UBWANDITSI | Views : 15057 | Kuya 12-31-2015 11:03



Itangazo rya Polisi y’Igihugu rivuga ko abo bapolisi bitabye Imana ari AIP Lillian Mukansonera na AIP Aimee Nyiramudakemwa.

Bombi ‘bapfuye nyuma yo kuraswa n’abantu bataramenyekana aho bari batuye muri Cap Haitien tariki ya 29 Ukuboza 2015.’

Iri tangazo rya Polisi y’Igihugu ryashyizweho umukono n’umuvugizi wayo, ACP Celestin Twahirwa, rivuga ko Polisi y’u Rwanda, MINUSTAH na Polisi ya Haiti batangiye iperereza rihuriweho kugira ngo hamenyekane impamvu z’ubwo bwicanyi n’ababigizemo uruhare.

Polisi ivuga ko imiryango n’abavandimwe ba ba Nyakwigendera bamaze kumenyeshwa, ndetse ikaba yanabihanganishije.

Muri Nyakanga uyu mwaka, Polisi y’u Rwanda yohereje muri Haiti abapolisi 160 barimo abagore 22, bari basimbuye ikindi cyiciro cyari gisoje ubutumwa.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd