Abakuru b’ibihugu bitatu nibo bategerejwe kwitabira ibirori byo gusabira abasirikare ba Kenya bishwe n’abarwanyi b'umutwe wa Al-Shabab muri Somalia, umuhango uza kubera mu mujyi wa Eldoret mu gihugu cya Kenya.

 

By Ubwanditsi | Views : 15582 | Kuya 01-27-2016 11:20



Perezida wa Nigeria Muhammadu Buhari n’uwa Somalia Hassan Sheikh Mohamoud baraza kwifatanya na perezida wa Kenya, Uhuru Kenyatta mu muhango wo kwibuka mu inkambi ya gisirikare iri mu mujyi wa Eldoret, aho benshi muri abo basirikare baturuka.

Iki gikorwa cya Buhari na Mohamoud cyo kwitabira uyu muhango kirafatwa nk’ikimenyetso cyo gufata mu mugongo igihugu cya Kenya, mu gihe ubu iki gihugu gikomeje kwibasirwa n'ibikorwa by'iterabwoba.

Umutwe wa Al-Shabab uvuga ko wishe abasirikare ba Kenya bagera ku 100 mu gitero cyo kw’itariki ya 15 mu nkambi ya gisirikare ya El-Ade.

Igisirikare cya Kenya cyo kirinze gutangaza imibare y'ababa baraguye muri iki gitero.

Amakuru umurashi.rw ukesha radiyo mpuzamahanga y'Abongereza aravuga ko  mu gihe iyi mibare itangazwa na Al-Shabab yaba ariyo,bwaba ari ubwa mbere ku basirikare ba Kenya bapfa ari benshi kuva bajya mu gihugu cya Somalia muri 2011.

Igihugu cya Kenya gifite abasirikare bagera ku 4,000 mu 22,000 b’ubumwe bwa Afurika bagiye kugarura umutekano muri Somalia.




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd